【美容院奇觀投稿分享】講價鄉音有錢女

投稿人：美容院職員｜KK

Hi，我係一個喺中小型美容院做咗3年嘅receptionist。想分享一下一件3年以嚟我遇過最好笑嘅事。

有一次，有個客上到嚟，佢望落應該30歲左右、女人、講嘢有鄉音、著住綠色碎花荷葉邊連身裙。

佢一上到嚟，就話「唔街、喎想美容」

我「小姐，你約咗幾點？麻煩比電話號碼我對一對呀」(果個時段係有2個booking而且未到)

佢「吓，咩yau預約嘅咩，喎唔知喎」

我「係呀，我哋只接受預約架咋，一係你話我知你打算做咩treatment，我睇吓安唔安排到比你啦」(見人手夠做多個，所以都盡量睇吓就唔就到比佢)

佢「喎聽人貢，呢度可以坐脫斑呀」

我「有呀，你坐低先我比你望吓個menu先」

於是佢就慢慢坐喺一邊睇menu

隔咗一陣之後

佢「喎要做胡百蚊以下果啲丫」

我「唔好意思呀，我哋冇呢個價位嘅去斑療程架」(最少都近1000做一次，真係唔會有$500以下)

佢「吓，喎係預咁貢多姐，你平比喎啦」

我「小姐，我哋明碼實價，冇得講價架」(已經好想趕佢走，最怕講價，因為真係唔係海鮮價)

佢「有生意都唔坐，喎係冇帶貢多錢咋，喎巧有錢架，喎富二代」

我已經冇出聲，內心又有啲想笑

佢「咁啦！那個中位數，chi百啦！喎坐完覺得好我坐你哋貴賓都得啦」(佢真係當咗呢度係街市，白眼反到上天花板)

我「我講多次啦，我哋冇價講。小姐，冇預約唔做得，今日安排唔到比你，你下次預約咗確定埋價錢ok你先上嚟啦」

佢「車，貢鬼小氣架，喎有只百萬都唔簡你哋啦」

然後佢用手，師氣咁撥一撥佢右邊有啲塌嘅留海，頭順勢一搖，強而有力。然後用佢嘅cat walk式走姿，綠色碎花碎搖曳住，一下拉開度大門，再一下大力關門。然後就離我哋而去。係囉，咁就錯過咗佢果幾百萬，真後悔。

投稿人分享不代表本平台立場。

你也有關於美容業的趣事想分享嗎？無論你是客人/美容師/業界同行，歡迎大家投稿，立即上http://bit.ly/3DPj9y0，分享你的經歷吧！