【美容院奇觀投稿分享】秒變紫菜眉

投稿人：美容客人｜TC

一直覺得自己條眉唔靚，想去飄眉。於是上IG搵邊間好，問問價後就揀咗呢間，收費係千幾。我怕啲太平嘅驚出事，就揀啲正常中價啦，點知真係出事！

上到去一切正常嘅，間鋪唔算好大，但果陣就得我一個客。個紋眉師望落幾後生，應該廿中，佢好有禮貌咁問我想點整，鐘意咩眉款，咁我就同佢講想自然啲，唔好咁深色，我show咗張相比佢睇，係類似啲標準眉，見到根根分明咁好自然嘅感覺，咁佢就話好冇問題。

佢就開始先幫我畫做設計啦，點知到畫完，一比塊鏡我睇，佢畫咗一字眉。但我本人係唔抗拒一字眉嘅，事實上我都係諗緊要整一字眉定彎彎地果種。但始終我見同我開頭比佢張相唔同，咁我就問佢：

我「e點解變咗平嘅。」(好有禮貌問)

佢就話「係呀，你面比較長，一字眉好睇好多呀，有弧度嘅唔襯你架」

我「係咩…」(內心雖然疑惑亦未黎得切反應，但仲1516緊)

佢「你信我啦，呢種真係好襯你，我有經驗知道邊種最啱你」

我諗咗半分鐘都冇，咁就覺得唉反正一字我都想嘅，咁就照go la..

事先聲明佢畫上去果時，係正正常常嘅一字眉，兩邊對稱，冇令我覺得會出事嘅。

點知……整完後我真係喊出嚟，一睇就崩潰！真係變咗蠟筆小新…變咗紫菜…仲要係兩塊唔對稱嘅紫菜。我未見過可以由眉頭黑到落眉尾，全條就係咁實的的。我拎住塊鏡，即刻呆咗咁問佢「吓，咁深色完全同我想要嘅唔同喎」，佢就答我「一開始係會咁深色架，一星期後就會變淡變自然」，我「兩邊唔對稱喎，點解會變咗咁」，佢「你條眉完本係唔對稱，我己經幫你修正咗好多，唔對稱係冇得完全變返對稱嘅」。佢態度係好唔負責任，而且想不斷趕我快啲離開。我果時因為仲處於驚恐之中，唔適比反應，想返屋企喊，咁我就問完佢一堆問題後都冇結果，就先返屋企睇吓點算好。

返到屋企後果一個星期，我每日望住自己條眉，真係連照鏡嘅衝動都冇埋！好嬲又好唔開心，點解我會遇到啲咁嘅黑店！！到依加已經一星期，我條眉係依然咁深色，於是我就whatsapp同間鋪理論，要求佢哋退錢，但佢哋依然唔願意認自己有問題。我真係大開眼界，見到我呢條眉咁，正常人都會想笑我，佢仲可以堅持咁樣係ok…講真，我叫佢哋退錢真係益咗佢哋，因為我已經搵緊去邊洗眉好，姐係又要比一大舊錢去recover..仲要唔知洗唔洗得走…真係好sad。更sad係佢哋仲未退錢比我！！我呢加仲追緊，如果佢哋最後仲係堅持咁樣，咁我會考慮開名公開呢件事，希望佢哋收檔唔好再出嚟行騙！

投稿人分享不代表本平台立場。

你也有關於美容業的趣事想分享嗎？無論你是客人/美容師/業界同行，歡迎大家投稿，立即上http://bit.ly/3DPj9y0，分享你的經歷吧！