【美容院奇觀投稿分享】點解大家係都要對美容師呢個行業有壞印象 唔應該係咁..

投稿人：美容師｜Zita

呢番說話一直都想講，但唔知喺邊度講，既然呢度有個平台我就呢度分享下。

一直以來，我都覺得喺香港做美容師好不受尊重，明明我地有專業既知識、技術，理應有個好既印象。但有時候新識朋友問我做咩，就連我自己都怕講出口，但明明我應該proud of我既職業…

香港人對美容師既印象，就係鐘意sell人、呃人、好睇錢，好無奈咁講你睇吓啲交友app就知，咩唔要「美容雞」，啲人聽到我做咩就怕，連識朋友既資格都冇..係呀的確有好多害群之馬搞彎咗名聲，但只係少數囉！！我用心去治療人既皮膚，由壞皮膚幫你處理到變好，其實我地值得你用對待「醫生、護士、營養師」既目光來看待！其他行業一樣有害群之馬架，消防都有渣男、老師都有師生戀、OL都有吞pot啦，但你有幾可聽過呢啲職業會比人冠上同美容雞一樣難聽既印象？？冇！甚至有D職業仲有晒光環添！你睇吓啲空姐，唔洗講野架，聽到你做空姐自然覺得你好正，覺得你係果種滿帶笑容又有禮貌又溫柔既人。香港人..點解目光咁短淺？點解我做美容就換唔到你既尊重？

其實有時真係心灰意冷，諗過要唔要轉行，唔知自己仲可以忍受幾耐，但自己真係對呢行好有熱誠，從來冇第二個行業可以為我帶來呢種滿足感。幫到人自己開心，人地又開心，但外面既人就只睇到佢地相信果樣野…

有人都係同行嗎..我真係想知係咪得我一個係咁諗。我知我講完都冇辦法改變人地對我地美容師既印象，就當比我發洩一下吧，冇咩我返出去做野啦。

投稿人分享不代表本平台立場。

你也有關於美容業的趣事想分享嗎？無論你是客人/美容師/業界同行，歡迎大家投稿，立即上http://bit.ly/3DPj9y0，分享你的經歷吧！