【美容院奇觀投稿分享】第一次投稿 一定要講吓我比大叔客人搭訕嘅經歷

投稿人：美容師｜SC

做呢行大大話話都6年，見過唔同嘅人，美容客係咩人都有，但好似呢種怪客真係第一次遇到。

發生喺3個月前左右，咁我做緊呢度有埋脫毛service嘅，有一日有個預約客係約咗做underarm脫毛，事先聲明冇歧視成份，但係約得做underarm我喺呢間做咗3年都未見過男人。咁個預約客個名係啲好中性嘅英文名，所以起初都不以為然。點知到夠鐘，竟然見到係個50幾歲嘅大叔，咁我心入面雖然有啲驚訝，但都唔可以因為咁而令人有hard feeling，要保持返專業態度因為始終每個人都有可能有呢個需要嘅。

咁到做treatment果時，都係照正常程序啦，但係我眼尾一直都feel到大叔佢係咁望住我，係由頭到腳果種，令我覺得有啲唔舒服。但我內心os係，捱到放眼罩就睇你仲可以望咩，快快搞掂就算。到我放咗眼罩開始打激光啦，估唔到大叔冇得睇仲有把口，佢開始同我講野…以下係大概嘅對話：

叔：呀，呀妹你哋除咗脫格拉底毛仲有咩位可以脫

我：（心諗 唔係掛 你仲想脫咩）全身上下都有架，陣間我叫同事話你知

叔：好呀，我好多毛想脫晒佢，夏天好鬼熱架麻

我：…(無講嘢)

叔：咁呢有冇男人果啲呀

我：邊啲呀

叔：呢~男人先要脫果啲呀

我：哦你指胸口？

叔：唔係呀，嘻你咁都唔明嘅，咁可唔可以指定美容師，加錢幾多錢你話我知

我：（開始起雞皮，心諗唔係想指定我掛）我哋呢度冇得指定架，如果你有問題我陣間叫同事同你詳細解釋返呀

叔：呀(叫咗聲)咩原來咁痛架 可唔可以細力啲

我：拿呢加專心幫你做腋下先，激光要小心處理，你唔好講野亂郁，唔係會打錯架！

就係咁，快速打完之後我就快快鼠咗出房，然後等同事處理佢，我匿埋直到佢走咗先出返嚟。然後本來同事約咗佢下次上嚟個期，但係佢唔知係咪發現佢覺得痛，就冇再上過嚟，起碼到呢加為止冇再見過佢。而我都同同事講明，下次唔好再派佢比我，同佢對恃果10分鐘係我呢3年入面最難捱嘅10分鐘！

投稿人分享不代表本平台立場。

你也有關於美容業的趣事想分享嗎？無論你是客人/美容師/業界同行，歡迎大家投稿，立即上http://bit.ly/3DPj9y0，分享你的經歷吧！