【美容院奇觀投稿分享】趕時間的KOL

投稿人：美容院職員｜CLam

話說之前係某連鎖美容院返工，呢間嘢開張嘅時候就請咗好多KOL上嚟做宣傳，其中一位令我印象幾深刻。

事源當日嗰位KOL就係book咗3點嘅時間上嚟做facial，當日係我負責佢嘅booking嘅，佢早咗一個鐘到，咁早到都冇乜嘢嘅。因為我2點本身就有客嘅，咁我梗係做埋手頭呢個客先幫佢做啦，但係佢等咗一陣就開始唔耐煩，係咁問我哋同事到底得未，點解咁耐都未到佢，已經等咗好耐，我趕時間之類嘅說話。

大佬呀，成間舖淨係服侍你一個淨係得你嚟做facial咩，自己早到而又未有人得閑等下好正常啫。同事都好有耐心咁同佢解釋因為有其他客人做緊facial，臨時又搵唔到其他美容師可以幫佢做，要麻煩佢等等，但係佢都係keep住complain，係房入面嘅我聽到反哂白眼。

到帶佢入房嘅時候，我就笑笑口咁問佢

：你係咪好趕時間呀？原本有個mask係免費送㗎，不過既然你趕時間嘅話咁我就唔幫你做啦～

KOL：唔係呀，其實我唔趕時間㗎，你幫我做埋啦。

：哦～～～係呀～？我見你頭先係出面係咁同同事講話趕時間，仲以為你好趕添～

心諗：即係跟本唔係趕時間而係唔想等啦！

係呢度我只想講，早到唔係壞事，但係你早到仲要係咁嘈話自己趕時間，咁點解唔一開始約早啲＝＝，咁咪唔使等咁耐囉，仲有你話你趕時間，但係又要照敷面膜，要用多半個鐘時間，到底係真趕時間定純粹早到唔想等咁耐嘅藉口？

投稿人分享不代表本平台立場。

你也有關於美容業的趣事想分享嗎？無論你是客人/美容師/業界同行，歡迎大家投稿，立即上http://bit.ly/3DPj9y0，分享你的經歷吧！